Tahreeri Jawab Ke Liye Hidayat o Sharaait
● Tahreeri jawab talab karne ke liye pehle session book karke apne maslay par baat cheet karna zaroori hai. Agar aap pehle hi baat cheet kar chuke hain to is itlaa ko nazar andaaz kar den.
● Aap ki taraf se pehle session book ho jaane ke baad, jab hum aap ke maslay par mukammal baat cheet kar len ge to tahreeri jawab ki fees ada karne ka link aap ko foran faraham kar diya jayega.
● Tahreeri jawab ki fees har maslay par 900 rupay hain, agar masail zyada hon ge to isi mutabiq fees ki raqam bhi zyada hogi.
● Tahreeri jawab ki darkhwast session mein baat cheet ke baad ek hafte ke andar karni hogi. Warna tahreeri jawab talab karne ke liye naya session book karna parega.
● Tahreeri jawab talab karne ke liye apne naam ke saath sawal tahreeri tor par jama karana zaroori hai.
● Jawab sirf pesh kiye gaye sawal ke mawad par mabni hoga. Baat cheet mein zikr ki gayi magar sawal mein shamil na ki gayi maloomat par ghor nahi kiya jayega.
● Tahreeri sawal mein koi aisa izafi masla shamil na karen jo baat cheet ke dauran zair-e-bahs na aaya ho.
●Agar aap ko lagta hai ke koi mazeed masla hal talab hai to dobara fees ada karke naya session book karen, phir dobara baat cheet karen us ke baad naya sawal bhejen.
● Tahreeri jawab ada ki gayi fees ki tareekh se 2 se 7 dinon mein faraham kiya jayega. Agar sawal intihaai pechida ho to mazeed din bhi lag sakte hain.
● Hamara jawab sawal mein faraham ki gayi maloomat par mabni hoga. Agar faraham ki gayi maloomat ghalat hon to is ki zimmedari hum par nahi hogi.
● Tahreeri jawab mein hum wahi likhen ge jo Quran o Hadees ke mutabiq durust samajhte hain. Kisi ki darkhwast par is mein kuch izafa nahi kiya ja sakta.
● Hum fareeq-e-saani se maslay ke baare mein rabita nahi karte kyun ke hamara jawab sirf faraham ki gayi maloomat ki bunyaad par apna nuqta-e-nazar hai, fareeqain ke liye koi qabil-e-nafiz qanooni faisla nahi.
● Agar hamare jawab ka ghalat istemaal kiya jaye ya is se kisi qisam ka tanazuh paida ho to is ki zimmedari hum par nahi hogi, kyun ke hum ne sirf darkhwast par apni raaye ka izhaar kiya hai, koi qabil-e-nafiz qanooni faisla nahi kiya.
● Tahreeri jawab Kifayatullah Sanbhali ke letter pad par hoga aur aakhir mein Kifayatullah Sanbhali ke dastkhat aur muhar maujood hogi.
Bunyadi tahreeri jawab Urdu zabaan mein hoga. Agar aap isay kisi doosri zabaan mein letter head, dastkhat aur muhar ke saath tarjumah karwa ke chahte hain to izafi 900 rupay ada karne hon ge.
● Tahreeri jawab saail ko email ya WhatsApp ke zariye PDF format mein bheja jayega.
● Jawab par wazahat 12 ghanton ke andar maangi ja sakti hai. Is ke baad mazeed baat cheet ke liye session aur tahreeri jawab donon ki fees dobara ada karni paregi.
● 2 din ke baad usi baat cheet se mutalliq WhatsApp par bhi Messages ki ijazat nahi hogi. Balkeh aisa karne ke liye dobara fees de kar naya session book karna hoga.
● Agar session ke dauran guftagu ke baad hamein yeh lage ke aap ke masle par tahreeri jawab dena hamare liye mumkin nahi hai, to aisi soorat mein hum tahreeri jawab ki alag se fees wasool nahi karenge.
Lekin session ki fees wapas nahi hogi, kyun ke yeh sirf mashawarat (consultation) ki fees hai jo confirm aur naqabil-e-wapsi (non-refundable) hoti hai, jaisa ke session ke usool o sharaait mein wazeh tor par bayan kiya gaya hai.
Tahreeri jawab ke aakhri safhe ka numoona
(privacy ke liye safha ko blur kar diya gaya hai)
.